1. prema ayani śrīrādhikā, prema barana nam̐danaṃda.　 
  premabāṭikā ke doū, mālī mālina dvaṃda.
2. prema prema saba kou kahata, prema na jānata koi.　 
  jau jana jānai prema tau, marai jagata kyaum̐ roi.
3. prema agama anupama amita, sāgara sarisa bakhāna.
  jo āvata yahi ḍhiga, bahuri jāta nāhim̐ rasakhāna.
4. prema bārunī chāni kai, baruna bhaye jaladhīsa.
  premahim̐ tem̐ biṣapāna kari, pūje jāta girīsa.
5. prema rūpa darpana aho racai ajūbo khela.
  yā maim̐ apano rūpa kachu lakhi parihai anamela.
6. kamala taṃtu so hīna aru, kaṭhina khaṛaga kī dhāra.
  ati sūdho ṭeṛho bahuri, premapaṃtha anivāra.
7. loka veda marajāda saba, lāja kāja saṃdeha.
  deta bahāe prema kari, bidhi niṣedha ko neha.
8. kabahum̐ na jā patha bhrama timira rahai sadā sukha caṃda.
  dina dina bāṛhata hī rahata, hota kabahum̐ nahim̐ maṃda.
9. bhalem̐ br̥thā kari paci marau, jñāna garūra paṛhāya.
  binā prema phīko sabai koṭina kiyem̐ upāya.
10. sruti purāna āgama smr̥tihi, prema sabahi ko sāra.
   prema binā nahim̐ upaja hiya, prema bīja am̐kuvāra.
11. ānam̐da anubhava hota nahim̐, binā prema jaga jāna.
   kai vaha biṣayānaṃda kai brahmānaṃda bakhāna.
12. jñāna karma'ru upāsanā, saba ahamiti ko mūla.
   dr̥ṛha niscaya nahim̐ hota, binā kiye prema anukūla.
13. sāstrana paṛhi paṃḍita bhae, kai maulavī kurāna.
   ju pai prema jānyau nahīm̐, kahā kiyau rasakhāna.
14. kāma krodha mada moha bhaya lobha droha mātsarya.
   ina saba hī tem̐ prema hai pare, kahata munivarya.
15. bina guna jobana rūpa dhana, bina svāratha hita jāni.
   suddha kāmanā tem̐ rahita, prema sakala rasakhāni.
16. ati sūchama komala atihi, ati pataro ati dūra.
   prema kaṭhina saba tem̐ sadā, nita ikarasa bharapūra.
17. jaga maim̐ saba jānyau parai, aru saba kahai kahāi.
   pai jagadīsa'ru prema yaha, doū akatha lakhāi.
18. jehi binu jāne kachuhi nahi, jānyau jāta biseṣa.
   soi prema jehi jāni kai, rahi na jāta kachu seṣa.
19. daṃpati sukha aru biṣaya rasa, pūjā niṣṭhā dhyāna.
   ina tem̐ pare bakhāniyai,suddha prema rasakhāni.
20. mitra kalatra subaṃdhu suta, inamaim̐ sahaja saneha.
   suddha prema inamaim̐ nahīm̐, akatha kathā sabiseha.
21. ika-aṃgī binu kāranahi, ikarasa sadā samāna.
   ganai priyahi sarbasva jo, soī prema pramāna.
22. ḍarai sadā cāhai na kachu, sahai sabai jo hoi.
   rahai ekaras cāhi kai, prema bakhānau hoi.
23. prema prema saba kou kahai, kaṭhina prema kī phām̐sa.
   prāna taraphi nikarai nahīm̐, kevala calata usām̐sa.
24. prema harī ko rūpa hai, tyaum̐ hari prema sarūpa.
   eka hoi dvai yaum̐ lasaim̐, jyaum̐ sūraja au' dhūpa.
25. jñāna dhyāna bidyā matī, mata bisvāsa bibeka.
   binā prema saba dhūri haim̐, agajaga eka aneka.
26. prema phām̐sa maim̐ pham̐si marai, soī jiyai sadāhim̐.
   prema marama jāne binā, mari kou jīvata nāhim̐..
27. jaga maim̐ saba tem̐ adhika ati, mamatā tanahim̐ lakhāi.
   pai yā tanahūm̐ te adhika, pyāro prema kahāi.
28. jehi pāem̐ baikuṃṭha aru, harihūm̐ kī nahim̐ cāhi.
   soi alaukika suddha subha, sarasa suprema kahāhi.
29. kou yāhi phām̐sī kahata, kou kahata taravāra.
   nejā bhāla tīra kou, kahata anokhī ḍhāra.
30. pai miṭhāsa yā māra ke, roma roma bharapūra.
   marata jiyai jhukatau thirai, banai su cakanācūra.
31. pai eto hūm̐ hama sunyau, prema ajūbo khela.
   jām̐bājī bājī jahām̐, dila ka dila se mela.
32. sira kāṭau chedau hiyo, ṭūka ṭūka kari dehu.
   pai yāke badale biham̐si, vāha vāha hī lehu.
33. akatha kahānī prema kī, jānata lailī khūba.
   do tanahūm̐ jaham̐ eka bhe, mana milāi mahabūba.
34. do mana ika hote sunyau, pai vaha prema na āhi.
   hoi jabai dvai tanahum̐ ika, soī prema kahāhi.
35. yāhī tem̐ saba mukti tem̐, lahī baṛāī prema.
   prema bhae nasi jāhim̐ saba, bam̐dhe jagata ke nema.
36. hari ke saba ādhīna, pai harī prema ādhīna.
   yāhī tem̐ hari āpuhīm̐, yāhi baṛappana dīna.
37. veda mūla saba dharma, yaha kahaim̐ sabai srutisāra.
   parama dharma hai tāhu tem̐, prema eka anivāra.
38. jadapi jasodānaṃda aru, gvāla bāla saba dhanya.
   pai yā jaga maim̐ prema kaum̐ gopī bhaīm̐ ananya.
39. vā rasa kī kachu mādhurī, ūdho lahī sarāhi.
   pāvai bahuri miṭhāsa asa, aba dūjo ko āhi.
40. sravana kīratana darasanahim̐ jo upajata soi prema.
   suddhāsuddha bibheda tem̐, dvaibidha tāke nema.
41. svārathamūla asuddha tyaum̐ suddha svabhāva'nukūla.
   nāradādi prastāra kari, kiyau jāhi ko tūla.
42. rasamaya svābhāvika binā svāratha acala mahāna.
   sadā ekarasa suddha soi, prema ahai rasakhāna.
43. jātem̐ upajata prema soi, bīja kahāvata prema.
   jāmaim̐ upajata prema soi, kṣetra kahāvata prema.
44. jātem̐ panapata baṛhata aru phūlata phalata mahāna.
   so saba premahim̐ prema yaha kahata rasika rasakhāna.
45. vahī bīja aṃkura vahī, seka vahī ādhāra.
   ḍāla pāta phala phūla saba vahī prema sukhasāra.
46. jo jātem̐ jāmaim̐ bahuri jā hita kahiyata beṣa.
   so saba prema him̐ prema hai, jaga rasakhāni aseṣa.
47. kāraja kārana rūpa yaha, prema ahai rasakhāna.
   kartā karma kriyā karana, āpahi prema bakhāna.
48. dekhi gadara hita sāhabī, dillī nagara masāna.
   chinahi bādasā baṃsa kī ṭhasaka chori rasakhāna.
49. prema niketana śrībanahim̐ āi gobardhanadhāma.
   lahyau sarana cita cāhi kai, jugala sarūpa lalāma.
50. tori māninī tem̐ hiyo, phori mohanī māna.
   premadeva kī chabihi lakhi, bhae miyām̐ rasakhāna.
51. bidhu sāgara rasa iṃdu subha barasa sarara rasakhāni.
   premabātikā raci rucira cira hiya haraṣa bakhāni.
52. arapī śrīhari carana juga paduma parāga nihāra.
   bicarahim̐ yā maim̐ rasikabara, madhukara nikara apāra.
53. rādhā mādhava sakhina sam̐ga, biharata kum̐ja kuṭīra.
   rasikharāja rasakhāni taham̐, kūjata koila kīra.